الكاتب: حسان بسطاطي | في: March 05, 2008 10:53:57 AM

قبل الدني ماتصير لوحه مدهّبي وتتوشّح بطرحة ربيع مقصّبي بالسرجمعو بعضن حقول الزهور تايلملمو حالن عن حفافي النهور ويباركو للشاعر " بأول صبي " كلّو غوى وطهر وحلا من الزنبق المقطوف عن شفّة صــــلا والقلب يشهقلو هــــلا ويركض لعندو دبدبي ويفتح إيدين الصبح حتّى يغمرو بلهفي وحنين يزنّرو وبالعز يربى متل مابيّو ربي يكاغي حروف مشقلبي وبالعطر يرجع يختبي متل الكتاب بمكتبة وتضحك حجار المصطبي متل الدني مابتفرح بأوّل نبي ـــــــــــــــــــــــــــــــــــــــــــ حسّـــــان بســـــطاطي ــــــــــــــــــــــــــ

الكاتب: pierre | في: March 05, 2008 11:59:14 AM

الله يحمي هالملاك الأموور و يخلليكن فوق راسوو سالمين استاذ زاهر و الست رفيف و انشالله تفرحو فيه عريس اسم الصليب شو كربووج

الكاتب: تهامة وفادي العيد | في: March 05, 2008 01:00:13 PM

ألف مبروك ولادة الصبي انشاء الله تكون حياتو وردية بعيدة عن كل أذى تهانينا

الكاتب: Dr.N.salloum | في: March 05, 2008 01:43:44 PM

Alf mabrouk ya zaher w rafeef winshalaa abaal Tuhama

الكاتب: Dergham and Lena | في: March 05, 2008 02:41:21 PM

Dear Zaher and Rafif: One hundrad million congradulations on the beautiful new baby. We wish him many many years of happiness and health.

الكاتب: محمود صباغ | في: March 05, 2008 04:50:32 PM

ألف مبروك للصديق العزيز أبو الياس ومدامتو الله يخليلكن ياه ويتربى بعزك

الكاتب: سامي سلوم | في: March 05, 2008 10:18:26 PM

مبروك يا ابو الياس ملاكك الله يحميه ويربى بعزكم سامي وعائلته

الكاتب: waheeb wassouf | في: March 06, 2008 12:41:18 AM

انشالله الف مبروك و يربى بعزكن و دلالكون

الكاتب: وهاد ابراهيم | في: March 06, 2008 11:53:33 AM

ألف مبروك و الله يخليلكن ياه

الكاتب: هزار حدو | في: March 06, 2008 08:54:33 PM

انا بدي وجهه شكر لكل الاصدقاء البعاد و القراب ع مشاركتون لالنا بفرحتنا الكبيره و الف شكر

الكاتب: رواد أيوب | في: March 08, 2008 11:56:08 PM

الف مبروك للصديق زاهر ومدامتو رفيق وكمان الف مبروك للعم أبو زاهر وللخالة ام زاهر ويربا بعزكن

الكاتب: شكرا ع المباركة | في: March 10, 2008 01:18:48 PM

شكراً يارامي ع هاللفتة الحلوة , ع قبال فرحتك و يعطيك العافة ع هالموقع اللي صار جزء من الحياة اليومية لكتير ناس و صار متل جسر محبة يقرب الغيّاب يسلم هالتم يا حسان انشالله بيكبر الياس الزغير و بيصير يجي لعندك يستعير شرايط زجل و يسهر ع السطيحة متل ما كان بيو يعمل, ع قبال فرحتك أهلا يا بيير و شكرا ع المباركة نردلك ياها باأفراح انشالله انشالله ع قبالكون يا تهامة و فادي و تكون ايامكون كلا فرح و محبة أهلا يا دنائل , فرحة ولادك انشالله سلامي لمكسيم مع تمنياتي بالنجاح و التوفيق فرحة و لادكون يا لينا و درغام و انشالله نشوفكون بدبي أو بالمشتى , سلامي للأهل أهلا معلم محمود فرحتك يا غالي فرحة عريس يا أبو السيم , كتير بنبسط لما بشوف اسمك بهالموقع سلامي للمدام جنرال وهيب, عقبال ما نفرح منك, بالتوفيق و النجاح انشالله أهلا يا وهاد عقبال فرحتك سلامي لأهلك , مشتاقينلكون كتير فرحتك يا رواد والله اشتقنالك يا زلمة ع قبال فرحتك انشالله. و بالنهاية شكرا مرة تانية لإدارة هالموقع المميز ولكل الناس اللي شاركونا فرحنا انشالله أيامكون تكون كلا فرح و خير زاهر-رفيف-الياس

الكاتب: لمى عيد | في: March 12, 2008 08:29:15 PM

الف مبروك للصديق زاهر الله يخليلكن ياه ويربى بعزكن و دلالكن

الكاتب: faten btrous | في: May 06, 2008 12:01:33 AM

الف مبروك يربى بدلالك ودلال الاهلين